» Deixando pegada en Alxeciras


A escola de Taekwon-Do ITF Noia Clínica Juanatey deixou pegada no Open de España 2015 de Taekwon-Do ITF, facendo que a bandeira Galega subirá 39 veces ao podio en Alxeciras a pasada fin de semana do 21 de novembro de 2015.

A escola ITF Noia Clínica Juanatey desprazou a Algeciras unha expedición de 16 competidores (4 infantís: José Prego, Alejandra Vázquez, Noel Antelo e Noah R.Martín; 9 juniors: Antía Blanco, Sergio Moledo, Adriàn Prego, Jacobo Vilas, Samuel Hermo, José L. Rodríguez, Martín Iglesias, Paula Blanco e Laura Abuín; e 3 adultos: Adolfo Liñayo, Iría Vilas e Alba Castro), con 3 obxectivos no punto de mira: realizar exames de cinto negro a 3 practicantes, participar no Open Internacional de Taekwon-Do ITF 2015 que se celebraba nesta cidade e participar no adestramento selectivo nacional do que sairá o listado de competidores que formarán o Equipo Nacional que loitará no Campionato de Europa 2016 que se celebrará en Grecia.

A xornada do sábado, 21 de novembro, foi aproveitada ao máximo, comezando dende primeira hora da mañá cós exames de grao que o Presidente da Federacion Internacional de Taekwon-Do España, Carlos Martín Requejo, realizou a Martín Iglesias, aspirante a cinto negro 2ª dan, e Laura Abuín e Samuel Hermo, ambos aspirantes a cinto negro 1º dan. A intensa preparación realizada polos tres practicantes quedou demostrada nas distintas probas que lles foron plantexadas, obtendo finalmente a resolución positiva por parte do Tribunal. Con estas novas graduacións a escola de Taekwon-Do ITF Noia Clínica Juanatey xa conta con once cintos negros 1º Dan e un cinto negro 2º Dan.

Paralelamente na mesma xornada, e entre máis de 500 competidores desprazados de distintas comunidades españolas, Inglaterra, Gales, Noruega, Holanda e Portugal, mediron as súas cualidades como competidores nas distintas modalidades: formas tuls, combate, técnicas especiais de salto, e de potencia. E foron 39 as ocasións que a bandeira galega luciu no podio nas mans dos noieses.

Ademáis, esta foi a primeira ocasión que a escola de Taekwon-Do ITF Noia Clínica Juanatey participaba nas modalidades de competición internacional por equipos xuvenil, acadando coa agrupación masculina un segundo posto en combate e un terceiro en formas tuls. Nembargantes, o equipo feminino finalmente non puido demostrar o seu potencial debido a pequenas lesións de dúas das súas compoñentes.

O domingo 22 de novembro, no adestramento selectivo, os xuvenís e os adultos amosaron as súas calidades como competidores, diante dos adestradores nacionais que nunhas semanas comunicarán a relación dos nomes que conformarán os equipos nacionais que representarán a España no Campionato de Europa 2016, que se disputará en Grecia a principios do mes de abril.

Durante as dúas xornadas, todos e cada un dos 16 taekwondistas noieses tiveron moi presente a quen eles chaman "Capi", un compañeiro de 16 anos que está afrontando con gran valor unha loita fóra do tatami, contra a leucemia, por isto, en sinal de apoio, en todo momento levaban consigo unha cinta laranxa.

Agora xa de volta en Noia, o equipo seguirá preparándose para afrontar os vindeiros obxectivos.


» Galería de imaxes (Por ITF Noia)
Ir á noticia »

» Iglesias, terceiro de Europa

O Bosabum Martín Iglesias (ITF Noia) acadou no Campionato Europeo de Taekwon-Do ITF, celebrado os pasados días do 27 de abril ao 3 de Maio en Andria, Italia, o terceiro chanzo do podio, na categoría de combate, tras eliminar en oitavos ao competidor ruso e ao inglés en cuartos de final. Iglesias caeu en semifinais contra o competidor ucraíno, quen resultaría campión de Europa. “Foi un combate moi parello, logo de dous asaltos o combate quedou en empate, resultado que se repetiría tras un asalto adicional. Para resolver este empate iríase ao punto de ouro onde gañaría o representante de Ucraína” comentaba Iglesias, integrante da Selección Júnior da FITE.

Ademais deste terceiro posto, Martín estivo a piques de acadar outra medalla. El, xunto co capitán da Selección, Bosabum Alejandro González (Liceo de Noia), e o resto do equipo nacional júnior, caían en Tul por equipos en cuartos de final ante Eslovenia, por un axustado 3-2, quedando a unha única bandeira das medallas.

No penúltimo día de competición, González tratou de traer outra medalla para Galicia na categoría de combate, pero, pese a xogar un bo papel ante o competidor bielorruso e manter un combate igualado, non foi posible, as nove penalizacións que lle marcaron ao capitán júnior impedíronlle o empate.

So cabe felicitar aos dous representantes do Taekwon-Do ITF Galego, Alejandro González e Martín Iglesias, por eses exemplares resultados no europeo de Italia.

» Galería de imaxes (Por Martín Iglesias)
Ir á noticia »

» Fin da Liga en Fisterra

Fisterra pechou a Liga. A mañá do sábado día 2 de Maio do 2015 o Pavillón Municipal de Fisterra abría as súas portas para que os máis dun centenar e medio de participantes, das distintas escolas galegas, puidesen loitar polos últimos puntos que estarían en xogo neste último encontro da Liga FITE Galicia 2014/2015, organizado pola escola de Taekwon-Do ITF Fisterra.

As eliminatorias das categorías infantís foron as que abriron o evento. Cada competidor sabía os puntos que estaban en xogo, os puntos que precisaban para remontar na clasificación ou os que lles chegaban para manterse en posición de podio. Afrontaban cada eliminatoria coma se fose unha final, que en certo modo as eran. Deron todo o que puideron e máis en cada Tul, en cada combate. Mostrándolles aos árbitros e adestradores a súa mellor versión.

Foron os júnior, os sénior e os cintos negros quen pecharon esta Liga. A tarde do sábado estaba reservada para eles. Despois da espectacular actuación que fixeron o futuro do Taekwon-Do ITF Galego durante a mañá e a primeira hora da tarde, os maiores non podían ser menos. En cada encontro, de cada Liga, o nivel dos competidores galegos é cada vez maior, polo que os puntos véndense cada vez máis caros.

A entrega de medallas para os finalistas da Liga FITE Galicia 2014/2015 foise realizando ao longo do evento. Realizáronse diversas paradas durante o torneo para que os finalistas das categorías xa finalizadas puidesen recoller as súas medallas, que veñen a representar o esforzo, a entrega e o traballo de toda unha Liga.

» Resultados oficiais Liga FITE Galicia 2014/2015
» Galería de imaxes (Por ITF Oroso)
Ir á noticia »

» Curso de Defensa Persoal en Fisterra


O día 11 de abril tivo lugar en Fisterra un curso de defensa persoal impartido polo Boosabumnim Juan Ma. Pérez e organizado pola escola de Taekwon-Do ITF Fisterra.

Os participantes no curso eran, na súa maioría, alumnos da escola ITF Fisterra e da escola de Cee Deportes de Contacto, o que permitiu traballar algunha técnicas mais avanzadas dado a que os participantes estaban familiarizados coas artes marciais e os deportes de contacto.

Durante as tres horas de curso tratáronse técnicas de golpeo sinxelas, para permitir unha utilización efectiva nunha situación real, técnicas de control e redución e ao final fíxose un adestramento de situación, para permitir aos participantes aplicar as técnicas con compañeiros dunha maneira aproximada a un entorno real.
Ir á noticia »

Novas Antigas »


DELEGACIÓN
EVENTOS
TAEKWON-DO ITF
Noticias
Saúdo
Organigrama
Instructores
Escolas


Calendario 2015
Calendario 2014
Calendario 2013
Calendario 2012



Que é?
Xeneral Choi Hong Hi
Principios
Sistemas e Grados
Segredos do Adestramento
Tuls
-
MULTIMEDIA
LIGA FITE GALICIA
ENLACES DE INTERÉS
Imaxes
Vídeos
Descargas


Clasificación 2014/2015
Calendario 2014/2015
Clasificación 2013
Calendario 2013


International Taekwon-Do Federation
European International Taekwon-Do Federation
Federación Internacional Taekwon-Do España
Asociación Madrileña de Taekwon-Do Tradicional
Escola Taekwon-Do ITF Oroso



Delegación Galega da FITE | Rúa Calvario, 17-2º | Código Postal: 15200 Noia (A Coruña) | Teléfonos: 651881702 - 606830850